Баянхонгор аймгийн иргэд, хүүхэд, залуучууд, дотоод гадаадын жуулчдын амралт чөлөөт цагаа өнгөрүүлэх нэгэн тохилог газар болох энэхүү Цэцэрлэгт хүрээлэн 2016 онд ашиглалтад орсон. Энд усан оргилуур, хиймэл нуур, ховор ан амьтан бүхий сүрлэг уулс, мазаалай, таван хошуу малын төл, Өүлэн ээж хүүхдүүдийн хамт байрлах, Номхон барын төрхтэй гулгууран тоглоом, сүүдрэвч болон худалдаа үйлчилгээ, тоглоомын талбай энд бий. Цагийн хуваарийн хувьд зун 5 сараас намар 10 сарын дунд хүртэл ажилладаг.