Давст сумын төвөөс 50 орчим км-т цагаан саарал өнгийн шохойн гантиг чулуунаас тогтсон мөнгөлөг цагаан өнгөтэй далайн түвшнээс дээш 1660м орших уулыг Мөнгөт цахир уул гэдэг. Энэхүү уул нь шохойн чулуу, боржин өнгө алагласан, хад цохион дээр ургасан гацуур ойтой өвөрмөц тогтоц үзэсгэлэн хосолсон байгаль эхийн бүтээсэн нэн ховор дурсгал юм. Ховор нандин өвөрмөц тогтоцтойгоос гадна түүхийн дурсгалт газарт холбогдох сүг зураг агуй олонтой.