Монгол орны хамгийн том талбай бүхий Увс нуурын дархан цаазат газар нь Баруун талаараа Хархираа, Түргэн, Ханхөхийн уулс, хойд талаараа Тагнын нуруу, зүүн талаараа бөөрөг дэлийн элсээр хүрээлэгдэн далай түвшнээс дээш 758,9 м өндөрт 3350км.кв талбайг эзлэн оршино. Нуурын урт 84км, өргөн 79км, гүн нь 12-22 м, зарим газартай 29м хүрдэг. Увс нуурын ай сав газар нь говь, цөл, цөлөрхөг, хээр тал, ойт хээр, уул нуруу, мөнх цаст, мөсөн уулуудыг багтаасан эрс тэрс уур амьсгалтайгаараа онцлог нутаг юм.